願景及使命

 

是咁的,「有種部隊」相信人人都可以得到性福,我哋大大聲講性講女神講打丁,一啲都唔係兒嬉,天馬行空嘅創意都係想行前多幾步,令性唔再係禁忌。
我哋義不容辭咁為香港嘅異性戀癡情男女建立一個可以輕鬆談論性嘅平台,講起性,大家可以開開心心唔老尷,你撐我我撐你,仲鼓勵有多過一個性伴侶嘅雄性生物要定期做愛… 滋病梅毒快速測試,個個「出入平安」。

READ MORE

「有種部隊」附屬於「關懷愛滋」轄下嘅男士健康團隊,專些牙性健康同埋預防愛滋病資訊,同巴打齊齊長知識。工作內容包括實地外展、網上外展、合作伙伴計劃同埋免費愛滋病梅毒快速測試服務。

 

實地外展


作為真.香港人,我哋認為實地外展係最直接可以了解到巴打實際需要嘅重要渠道。我哋會到巴打集中嘅地方派安全套、分享性健康知識同埋提供愛滋病預防資訊。除咗會同地盤師兄、跨境司機、的士司機吹吓水聯誼下之外,亦會定期到娛樂場所如一樓一同埋酒吧等玩吓小遊戲,摸吓酒杯底,以生動、貼近生活嘅方法同大家講吓安全啪啪啪同愛滋病測試嘅重要性,務求大家玩得暢快、玩得放心。



 

網上外展


「有種部隊」深明網絡媒體嘅影響力, 2006年開始進駐唔同嘅成人網站同埋交友Apps,又拓展Facebook專頁「有種部隊」,了解吓網民同村民嘅諗法,同巴打同聲同氣。我哋透過唔同媒介,例如文字、改圖、短片、網上活動同埋大型專題等,赤裸裸咁同大家 9 up 吓性健康,拆解有關愛滋病性病嘅疑問同埋迷思,將正確嘅性健康同安全啪啪啪資訊廣傳比各位巴打。


Email:men@aidsconcern.org.hk


Facebook:有種部隊 Guts Army


合作伙伴計劃


「有種部隊」積極同外界不同團體及同埋機構合作,如非牟利機構、酒吧、成人玩具店、時鐘酒店等,藉一系列教育講座及推廣活動,將多元化嘅性健康資訊帶俾參與嘅巴打,加強佢哋對性健康嘅關注同認識。過往舉辦過地盤大型工作坊、古法手作安全套工作坊、性玩具遊學團、與彩美旬果談性等活動,如果有興趣同我哋搞搞新意思,就即刻打嚟 2394 6677 或 send個email去 men@aidsconcern.org.hk 了解吓。



免費愛滋病梅毒快速測試服務


測試服務係「關懷愛滋」推行愛滋病預防工作嘅重要一環,而「有種部隊」亦積極配合推廣及早測試。所有測試服務絕對免費、不記名及保密,仲會提供埋輔導、轉介服務。我哋亦會去勻港九新界提供流動測試同埋一樓一測試,等你慳返時間同車錢。睇咗咁多,係咪好想即刻做個測試呢?為咗更方便巴打,我哋仲增設咗網上預約功能,過程簡單過嗌外賣。如果想知更多測試服務嘅詳請,即刻 click入「愛滋病測試及援助」啦。


 

007_媒體報道 (370px_370px)
006_合作伙伴 (370px_370px)
008_聯絡我們_(370px_370px)
010_支持我們(300Hx300W)