做人無性幻想,同條咸魚有咩分別

講起性幻想,三姑六婆、左鄰右里們都會衝出嚟大叫核突、變態、唔道德。雖然大家腦裡無限 ff,但始終都唔敢認又唔敢講,對住「啪ner」收收埋埋,一個個活生生有血有肉嘅人變成一條條床上咸魚。

所以,「有種部隊」準備咗一連串活動,希望大家拉埋你嘅「啪ner」嚟了解箇中陰(真)諦,用開放正面嘅態度認識性幻想。

個個都話瀨嘢,唔通個個都真係瀨嘢咩

其實性病除咗會有可能影響您細佬之外,仲會嚴重影響您大腦,連諗嘢都會歪埋一邊,令您驚驚青青,長瞓大廳,掂女朋友隻手都好似拮到釘(縮都縮唔切呀)……

其實性病/愛滋唔係世界末日,與其白白擔心,不如搵人問真!

男士更年期

到底係咪真係有「男人更年期」?究竟係乜東東?

師兄都要知道的避孕方法

有啲嘢真係唔到我地避㗎!出盡奶力都仲係避唔到!喺呢啲無晒control power嘅時候,小編諗到都仲有少少嘢可以有得自己控制嘅。今日就嚟講下避孕(除非你想生仔救港啦)~

咪以為係Campaign

7月流流搞L埋啲咁嘅嘢,係咪要日日行樓梯先? 有啲嘢唔係睇唔到就代表無 「白淨」、「年輕」、「斯文」、「唔似玩開」就等於你嘅性伴侶「乾淨」? 「識咗一排」、「好好傾」、「了解過,覺得佢唔似出泥玩」、「佢同我講佢得我一個」係咪就可以唔用安全套? 雖然話Your face, your fate, 但係有時睇嘢都唔好淨係睇表面 只要有一次唔安全嘅啪啪啪就已經有感染性病嘅風險㗎喇 而且有啲性病係無色無味無癥狀㗎!所以都係check真啲好~

膠笠男神

做男神唔一定要似王宗堯嘅!識用、識揀、識戴膠笠,毒L都可以變男神。

《有種部隊》為咗幫一眾巴打平反毒L稱號,將會喺《膠笠男神》發表點用、點揀、點戴膠笠偉論。

我哋仲做埋實驗,收集用家賽後報告,比大家摸索吓用膠笠嘅 真諦。

唔想比囡囡笑 _ 你戴錯膠笠,就要留意住《膠笠男神》啦!

Julia愛の女教師

「有種部隊」請到Julia老師出演「愛の女教師」系列短片,初次參與搞笑題材嘅Julia一啲都唔吝嗇佢嘅…演技,少少甜多多趣。

唔識戴套?等Julia老師調教下你啦!