【日日打飛機 = 性上癮 ?】

一講起打飛機,就諗起高主教曾經話過自己無可能一個禮拜唔打飛機,甚至認為自己有性沉溺。再加上早排嘅名人偷食事件,張致恒又話自己有性上癮。咁究竟成日打飛機、出軌、偷食、鹹濕嘅男人係咪就等於患上性沉溺呢?

有專業性治療師就表示:「由於每個人身心狀況和處境都唔同,不應該單以次數判斷是否正常。」性係人不可或缺嘅基本需要之一,如果遇著另一伴日日都想要,其實好難界定對方係唔係性上癮。「所謂性上癮,是指會影響對方日常生活才叫上癮。有些例子是男方在上班時好想要,然後放低一切工作,跑去找女朋友,這些才是性上癮的徵兆。」之前喺第4版《精神疾病診斷與統計手冊》(DSM-4),「性上癮」被列入於性功能障礙之中,但基於研究少之又少,美國精神醫學會(APA)2013年修訂第5版時,就已經無再將性上癮納入其中。直至2018年6月18日,世界衛生組織發布嘅第11版《國際疾病與相關健康問題統計分類》(ICD-11),將性強迫症(compulsive sexual behaviour disorder)納入強迫症分類,簡單啲嚟講,性強迫症即係:

– 一直無法控制不斷出現的性衝動,或持續想要有性行為;

– 症狀可能包括性愛成為生活中心,使患者忽視健康、其他興趣、工作和責任;

– 嘗試減少或停止性行為,但未曾成功;

– 即使有已知的負面後果,但仍持續不斷繼續進行性行為;

– 症狀至少持續了6個月。

所以話,每日接觸咁大量資訊,最緊要fact check咗先丫嘛。坊間都有啲自我評估表,幫助check下自己有無性強迫症~不過都係只供參考,有咩事都係搵專業人士幫你診斷呀!

https://www.sexualhealth.umn.edu/research/compulsive-sexual-behavior-inventory

#強迫性性行為紊亂 #性強迫症 #性上癮 #性沉溺