【懷疑女朋友嫌你唔夠勁,比帽你戴 ?】

女朋友好大食,有機會患咗「性上癮」,呀唔係,舊年世衛已經將「性上癮」改為「性強迫症」,納入去「強迫症」分類入面,屬於焦慮症嘅一種。除咗一般治療方法例如認知行為治療、藥物治療、抗抑鬱藥之外,好多人都會選擇去搵性治療師幫手。

就咁聽落好似好神秘咁,其實目前香港已有多於160位性治療師,專門處理與性有關嘅生理同心理問題。性功能障礙(比如性交時感覺疼痛、力不從心及性交恐懼)、缺乏基本的性知識、改善性生活的質素、性生活協調及溝通疑難、性別認同障礙、成癮行為等都係性治療師可以處理嘅範圍。

接納、開放同尊重,係一個好嘅性治療師必備嘅特質。佢地面對嘅個案可以好生活化好平常,同時亦可以千奇百趣,見面嗰時「將客人嘅狀況像剝洋葱般逐層剝開」,逐小逐小咁處理,無返咁上下承載力都做唔嚟架。

#強迫性性行為紊亂 #性強迫症 #性上癮 #性沉溺