【只有相對安全,沒有絕對安全】

 

有啲嘢真係唔到我地避㗎!出盡奶力都仲係避唔到!喺呢啲無晒control power嘅時候,小編諗到都仲有少少嘢可以有得自己控制嘅。今日就嚟講下避孕(除非你想生仔救港啦)~

避孕方法有好多種,有啲貴啲有啲平啲,有啲仲唔使錢添,例如 #安全期法,醫學上將囡囡排卵日嘅前5天同後4天,連同排卵日在內嘅10天,劃歸為排卵受孕期,其餘日子扑嘢就會相對安全。好多人覺得,安全期避孕夠晒緊密夠晒爽,仲好方便,但事實係囡囡排卵會受外界環境、氣候、情緒等多種因素影響,可能提前或者推後幾日,精子進入陰道後亦可保持受精能力1至3日,所以仍然有機會懷孕㗎!

第二,唔好以為體外射精 (#外射) 就可以成功避孕,抽插過程嘅分泌物都帶有精子,都有可能導致囡囡有BB。

三,至於 #含銅避孕器(IUD)同 #子宮內投藥(IUS),同樣裝喺子宮入面,令受精卵無法著床,後者更會釋出微量荷爾蒙黃體素,增加受精卵著床嘅難度。

記住!冇一種方法係100%有效,如果touchwood真係搞出人命,記得齊上齊落,不篤灰,不割蓆!同伴侶溝通好重要,到底邊一款避孕方法先合乎大家對性愛嘅期望、大家應付後果嘅功力有幾深厚,呢啲一定要傾清楚,而唔係覺得「得㗎啦,知㗎喇,無咁易嘅!」/「正常都係咁諗啦,洗乜要傾咁大陣象啊!」咁。

仲有!成功避孕唔代表可以預防性病傳播!想安全啲,最方便都係戴返個套。即刻睇下台灣網站「臉紅紅」製作嘅懶人包,知多啲!

 

graphic credit: 臉紅紅
post designed by: 煙腸小瓜